"Qəbələ"dən ayrılan Vitali Vernidub Ukraynanın "Zarya" komandasının təlim-məşq toplanışına qatılıb.
Sportnet.az-ın Luqansk klubunun rəsmi saytına istinadən verdiyi məlumata görə, 31 yaşlı müdafiəçi bu gündən başlanan hazırlıq prosesində iştirak edir. Onun əsas komandada qalıb-qalmayacağı hələlik bilinmir. İyunun 30-dək Zaporojyedə hazırlıq keçəcək "Zarya" ertəsi gün Sloveniyaya yollanacaq. V.Vernidub klubda qalsa, "Qəbələ" ilə Adriatik dənizi sahillərində görüşə biləcək.
Qeyd edək ki, "Zarya"nın baş məşqçisi Vitali Vernidubun atası Yuri Vernidubdur. "Qəbələ" ukraynalı legioneri ilə başa çatan müqaviləni uzatmayıb.
