Avropa Liqasının birinci təsnifat mərhələsinə hazırlığını davam etdirən "Neftçi”nin əsas komandası İsmət Qayıbov adına təlim-məşq bazasında növbəti məşqləri keçirib.
Sportnet.az xəbər verir ki, səhər məşqində üstünlük fiziki çalışmalara verilsə də, axşam məşqində komanda daha çox topla işləyib. Hazırlıq prosesində komandanın bütün üzvləri iştirak edib. Məşq zamanı futbolçuların meydana üzərində yeni sponsor Türk Hava Yollarının adı yazılmış və "Nike" firmasının istehsalı olan geyimdə çıxmaları nəzərdən qaçmayıb.
Qeyd edək ki, hazırlığın ilk mərhələsi iyunun 22-də başa çatacaq və komanda Türkiyəyə yola düşəcək.
