2018-2019 mövsümü üçün hazırlıqlarını davam etdirən "Zirə" klubuna yeni futbolçu cəlb olunub.
Bu barədə Sportnet.az-a komandanın baş məşqçisi Ayxan Abbasov məlumat verib. 37 yaşlı mütəxəssi efiopiyalı oyunçu Xalid Mesfini baxışdan keçirdikləri deyib. O, müdafiəçi ilə bağlı qərarını "Zirə"nin əvəzedici komandası və "Sabah"la keçirəcəkləri yoxlama oyunlarında sonra verəcəyini deyib.
Qeyd edək ki, Xalid Mesfin son olaraq Xorvatiyanın "İnter Zapreşiç" klubunda çıxış edib. Almaniyanın "Ayntraxt" klubunun yetirməsi olan oyunçu Almaniyanın U-16 və U-17 milli komandalarının şərəfini qoruyub.
