Türkiyənin "Bursaspor” klubu komandaya yeni baş məşqçi təyin edib. Sportnet.az-ın klubun rəsmi saytına istinadən məlumatına görə, "ağ-yaşıllar” tanınmış mütəxəssis Şenol Günəşlə anlaşıb.
Bir neçə gün davam edən danışıqlardan sonra rəhbərlik 61 yaşlı məşqçini razı sala bilib. Anlaşmanın detalları ilə bağlı hələlik heç bir məlumat verilməyib.
Qeyd edək ki, Günəşin adı yaxın günlərdə baş məşqçi Yuri Syominlə yolları ayıran "Qəbələ” ilə də hallanırdı.
