"Keşlə" komandası Türkiyənin Qızılcahamam bölgəsindəki təlim-məşq toplanışını başa vurub. Sportnet.az-ın klubun rəsmi saytına istinadən məlumatına görə, paytaxt təmsilçisi ötən gün ərzində iki dəfə məşq edib. Bu gün Azərbaycan klubu İstanbula gedərək, oradan Maltaya yola düşəcək.
Qeyd edək ki, "Keşlə" UEFA Avropa Liqasının I təsnifat mərhələsində Maltanın "Baltsan” komandası ilə qarşılaşacaq. Oyun iyulun 12-da Ta Qalidəki "Centenary" stadionunda keçiriləcək.
