İngiltərənin "Çelsi" klubu İtaliya "Napoli"sinin futbolçusu Jorjinyonu transfer edib.
Sportnet.az-ın "zadəganlar"ın rəsmi saytına istinadən verdiyi məlumata görə, 26 yaşlı yarımmüdafiəçi ilə 5 illik müqavilə bağlanılıb. İtaliya yığmasının əslən braziliyalı oyunçusu yeni komandasında 5 nömrəli formanı geyinəcək. Bu transfer "Çelsi"yə 57 milyon avroya başa gəlib. Daha 8 milyon avro isə bonus kimi nəzərdə tutulub.
Qeyd edək ki, Jorjinyo 2013-cü ildən çıxış etdiyi "Napoli"də 39 oyuna 4 qol vurub. O, "Çelsi"də keçmiş baş məşqçisi Mauritsio Sarrinin rəhbərliyi altında çıxış edəcək.
