Avropa Liqasının birinci təsnifat mərhələsinin ilk oyununda Macarıstanın "Uypeşt” klubuna 3:1 hesabı ilə qalib gələn "Neftçi” klubu cavab matçının hazırlığını bu gün səhər məşqi ilə davam etdirib.
Sportnet.az-ın məlumatına görə, "Türk Hava Yolları Futbol Mərkəzi”ndə baş tutan hazırlıq prosesində zədəli Namik Ələskərovdan başqa bütün futbolçular iştirak ediblər. Komanda məşqdən sonra Macarıstana yola düşüb.
Qeyd edək ki, "Uypeşt” – "Neftçi” oyunu iyulun 19-da Bakı vaxtı ilə saat 23:00-da Budapeştdəki "Ferens Susa” stadionunda keçiriləcək.
