"Əlbəttə, çətin oyun olacaq. Biz yenə də öz oyunumuzu göstərməli və layiqli mübarizə aparmalıyıq".
Sportnet.az xəbər verir ki, bunu "Neftçi"nin futbolçusu Emin Mahmudov Macarıstanın paytaxtı Budapeştdə "Uypeşt"lə keçirəcəkləri Avropa Liqasının I təsnifat mərhələsinin cavab görüşündən öncə mətbuat konfransında deyib. O bildirib ki, rahatlaşmaqdan söhbət gedə bilməz: "Motivasiya çatışmazlığı olmayacaq. Bu, Avropa Liqasının oyunudur. Səfərdə çıxış etmək nə qədər çətin olsa da, oyunumuzu sərgiləməliyik".
Qeyd edək ki, iyulun 19-da "Ferents Şuşa" stadionunda keçiriləcək oyun Bakı vaxtı ilə saat 23:00-da başlanacaq. İlk görüşdə "Neftçi" qələbə qazanıb - 3:1.
