"Neftçi” klubu oktyabrın 17-də "Sumqayıt”la keçirəcəyi Topaz Premyer Liqasının VIII tur matçının hazırlıqlarını davam etdirir. Sportnet.az-ın klubun rəsmi saytına istinadən məlumatına görə, komanda üzvləri bu gün klubun bazasındakı meydançada məşq ediblər.
Məşqdə milli komandaların heyətinə cəlb olunan futbolçular iştirak etməyiblər. Yeri gəlmişkən, bu oyunçulardan biri, Syerra Leone millisinin üzvü Julius Vobay Nigeriya ilə matçda start heyətində meydana çıxıb. Görüş qolsuz bərabərliklə yekunlaşıb.
İtaliyadakı müalicəsini başa vuran Flavinyo isə geri qayıdıb. Braziliyalı futbolçu fərdi məşq keçib.
