17 yaşadək futbolçulardan ibarət Azərbaycan yığması Avropa çempionatının seçmə qrup mərhələsində son oyununu keçirib.
Sportnet.az xəbər verir ki, komanda "Elbasan Arena"da Albaniya ilə üz-üzə gəlib.
Qarşılaşma Azərbaycan millisinin 0:1 hesablı məğlubiyyəti ilə başa çatıb. Yığma bu nəticədən sonra qrupu sıfır xalla sonuncu pillədə başa vurub.
U-17 Avropa çempionatı
8-ci qrup
III tur
17:00. Albaniya - Azərbaycan - 1:0
Qol: Mario Mitay, 44
Baş hakim: Boris Marhefka (Slovakiya)
Baş hakimin köməkçiləri: Tomaş Vorel (Slovakiya), Sreten Udoviçiç (Bosniya və Herseqovina)
Dördüncü hakim: Admir Şehoviç (Bosniya və Herseqovina)
Qeyd edək ki, Azərbaycan yığması bundan əvvəlki matçlarda Norveçə 1:4, Çexiyaya 0:2 hesabı ilə uduzub.
