"Sumqayıt” Futbol Akademiyasının məşqçiləri təcrübə keçmək məqsədi ilə dekabrın 7-də Türkiyəyə yola düşəcək.
Sportnet.az klubun rəsmi saytına istinadən xəbər verir ki, məşqçilər dekabrın 10-dək qonşu ölkənin əsas futbol akademiyalarından hesab olunan İzmirin "Altınordu” klubunun düşərgəsində olacaq. Səfərin təşkilində əsas məqsəd onların təcrübə toplamaları, adıçəkilən akademiyanın ümumi iş sistemi ilə tanışılıq, aşağı yaş komandalarındakı struktur, nəzəri və taktiki biliklərin artırılmasından ibarət olacaq.
Məşqçilər Türkiyədə olduğu müddətdə "Altınordu" klubunun akademiya direktoru ilə görüşəcək, aşağı yaş qruplarının məşqlərini və oyunlarını izləyəcək.
