İngiltərə "Arsenal"ının baş məşqçisi Unay Emeri Matteo Genduziyə qarşı "Mançester Yunayted"inin futbolçusu Maruan Fellaininin kobudluğunu şərh edib.
Sportnet.az-ın məlumatına görə, ispaniyalı mütəxəssis öz komandasının oyunçusuna növbəti görüşədək saçını qırxdırmağı məsləhət görüb. "Fikrimcə, Matteo üçün ən yaxşı qərar uzun saçlarını kəsdirmək olar. O zaman Fellaini kimi onun da problemi həllini tapar" deyə Emeri bildirib.
Qeyd edək ki, 2:2 hesablı heç-heçə ilə yekunlaşmış qarşılaşmada Maruan Fellaini Matteo Genduzinin uzun saçlarından tutaraq, qaydaları pozub. Genduzi Avropa Liqasında "Arsenal"ın "Qarabağ"a Bakıda 3:0 hesabı ilə qalib gəldiyi matçda sonuncu qolun müəllifi olub. Bu komandalar Londonda dekabrın 13-də üz-üzə gələcəklər.
