Azərbaycan 2018-2019 mövsümünü UEFA-nın klub reytinqində 26-cı pillədə başa vurub.
Sportnet.az xəbər verir ki, bu, Avropa Liqasının qrup mərhələsinin VI tur oyunlarından sonra müəyyənləşib. "Qarabağ"ın İngiltərədə "Arsenal"a 0:1 hesablı məğlub olması səbəbindən, Azərbaycanın aktivinə xal gəlməyib. Norveç, Qazaxıstan, Bolqarıstan, Slovakiya, Macarıstan və Lüksemburq komandalarının da mübarizəni dayandırmalarından sonra 22-ci pillədən aşağıdakı ölkələrin mövqelərində heç bir dəyişikliyin baş verməyəcəyi dəqiqləşib.
Reytinq siyahısının ilk "5-liy"ində İspaniya, İngiltərə, İtaliya, Almaniya və Fransa qərarlaşıb. Avropa Liqasında mübarizəni "Qalatasaray" və "Fənərbağça" ilə davam etdirəcək Türkiyə isə 10-cudur.
