Azərbaycan kubokunun 1/4 final mərhələsi çərçivəsində keçirilən "Neftçi"- "Sumqayıt" matçında maraqlı hadisə baş verib.
Sportnet.az xəbər verir ki, qonaqların 2:0 hesabı ilə qalib gəldiyi görüşdə qol vuran hər iki futbolçu zədələnərək oyunu davam etdirə bilməyib. Matçın ilk hissəsində ayağında zərbə alan Əli Babayev fasilədən sonra oyunu davam etdirə bilməyib və 55-ci dəqiqədə Cavid Tağıyevlə əvəzlənib.
Qarşılaşmanın 62-ci dəqiqəsində zədələnən Şəhriyar Əliyev isə yerini Murad Xaçayevə verib.
Qeyd edək ki, Ə.Babayev 28-ci dəqiqədə penaltidən fərqlənib. Ş.Əliyev isə 45+4-cü dəqiqədə künc zərbəsindən sonra başla qol vurub.
