"Sabah" və "Qəbələ" komandaları arasında keçirilən Azərbaycan Kubokunun 1/4 final mərhələsinin cavab görüşündə insident baş verib.
Sportnet.az-ın məlumatına görə, 44-cü dəqiqədə qonaq komandanın kapitanı Cavid Hüseynov rəqib futbolçu Vadim Abdullayevin kobud oyununa sərt reaksiya verib. Hüseynov hətta Abdullayevlə haqq-hesab çəkmək fikrinə də düşüb. Onun qarşısını baş hakim Əliyar Ağayev və komanda yoldaşları alıb.
Qeyd edək ki, hazırda hesab bərabərdir - 0:0.
