Türkiyə "Qalatasaray"ının sabiq futbolçusu Frank de Bur ABŞ-ın "Atlanta Yunayted" komandasına yeni baş məşqçi təyin olunub.
Sportnet.az-ın MLS təmsilçisinin rəsmi saytına istinadən məlumatına görə, hollandiyalı mütəxəssislə uzunmüddətli müqavilə bağlanılıb. Bu posta İspaniya "Barselona"sının sabiq müdafiəçisi Karles Puyol da namizəd idi.
48 yaşlı de Bur yeni vəzifədə Xerardo Martinonu əvəzləyib. "Atlanta Yunayted" ötən mövsüm MLS çempionu olsa da, istefaya gedib.
Frank de Bur əvvəllər Hollandiyanın "Ayaks", İtaliyanın "İnter" və İngiltərənin "Kristal Pelas" komandalarının baş məşqçisi olub. O, "Qalatasaray"da 2003-2004 mövsümündə forma geyinib.
