"Arsenal" klubu İngiltərə Premyer Liqasının XXI turunun London derbisində "Fulhem"lə üz-üzə gəlib.
Sportnet.az-ın məlumatına görə, "Emireyts" stadionunda təşkil olunmuş qarşılaşma "topçular"ın böyük hesablı qələbəsi ilə yekunlaşıb - 4:1. Hesabı 25-ci dəqiqədə Qranit Caka açıb. 53-cü dəqiqədə Aleksandr Lyakazett fərqi artırıb. 69-cu dəqiqədə Abubakar Kamara fərqi azaltsa da, 10 dəqiqə sonra Aaron Remsi, 83-cü dəqiqədə Pyer-Emerik Obameyanq fərqlənərək, yekun nəticəni müəyyənləşdirib.
Bu qələbədən sonra "Arsenal" xallarını 41-ə çatdırsa da, 5-ci pillədə qalıb. "Fulhem" isə 14 xalla 19-cudur.
