"Qəbələ" komandası bu gün Bakı Olimpiya Stadionunun ehtiyat meydanında məşqə çıxıb.
Sportnet.az-ın məlumatına görə, hazırlıq prosesində əsas komanda üzvləri ilə yanaşı, klubun U-19 kollektivindən dəvət olunmuş futbolçular da iştirak ediblər. Bundan başqa əvvəllər "Qaradağ Lökbatanda çıxış etmiş Mehdi Mehdiyev baxışda olub. Zədədən sonra bərpa dövrü keçən Roman Hüseynov fərdi hazırlıqla kifayətlənib. Qalan heyət üzvləri isə qısa müddət ərzində məşqçi Elmar Baxşıyevin rəhbərliyi altında isinmə hərəkətləri yerinə yetiriblər.
Daha sonra komanda üzvləri ikitərəfli oyun keçiriblər. Bu zaman qapıçı Murad Popovun meydan oyunçusu qismində - hücumçu kimi çıxış etməsi diqqət çəkib. O, hətta "het-trik" edib.
