AFFA-nın Hakimlər və Hakim-İnspektorlar Komitəsinin üzvləri "Qəbələ”nin əsas komandasının məşqçi və futbolçu heyəti ilə görüşüb.
Sportnet.az klubun rəsmi saytına istinadən xəbər verir ki, "Qafqaz Baku City Hotel”də baş tutan tədbirdə komitənin sədri Frits Ştuxlik, üzvü Elçin Məmmədov və FİFA referisi Əliyar Ağayev iştirak ediblər.
Komanda üçün keçirilən seminar iki hissədən ibarət olub. Öncə "Qəbələ" üzvləri oyun qaydalarındakı yeniliklərlə tanış olub, həmçinin vaxt itkisinin bərpası, oyundankənar vəziyyət, oyunun bərpasının gecikdirilməsi, geyim standartları kimi bəzi qaydalar barədə ətraflı məlumatlandırılıb. İkinci hissədə müxtəlif qarşılaşmalardan seçilmiş epizodlar müzakirə olunub.
