"Neftçi” komandası qış təlim-məşq toplanışının ikinci mərhələsinə başlayıb.
Sportnet.az klubun rəsmi saytına istinadən xəbər verir ki, bu gün səhər saatlarında Türkiyəyə çatan kollektiv Antalya bölgəsindəki Manavqat şəhərində ilk məşqinə çıxıb. Hazırlıq prosesində fiziki təmrinlər və toplu çalışmalar yerinə yetirilib.
Qeyd edək ki, "The Sense De Luxe” otelində məskunlaşan "Neftçi" hazırlıq çərçivəsində 3 yoxlama oyunu keçirəcək. Rəqiblər yanvarın 18-də "Qaz Metan” (Rumıniya), yanvarın 23-də "Slovan” (Liberets, Çexiya), yanvarın 26-da isə "Beroe” (Bolqarıstan) olacaq.
