“Hazırlıqlar ağır, komanda isə yorğun olur. Bugünkü oyunda futbolçularımızın istəyi, tapşırıqları düzgün yerinə yetirmələri bizi qane etdi".
Sportnet.az-ın məlumatına görə, bunu "Sumqayıt"ın baş məşqçisi Ayxan Abbasov Türkiyənin Antalya bölgəsində Makedoniya "Vardar"ına 3:1 hesabı ilə qalib gəldikləri yoxlama oyunundan sonra deyib. Gənc mütəxəssis komandasının oyunundan razılıq ifadə edib: "Çalışırıq ki, yoxlama oyunlarında bütün oyunçularımıza şans verək. Çünki, toplanışdan sonra çempionata tam hazır şəkildə başlamalıyıq”.
Qeyd edək ki, "Sumqayıt" ilk yoxlama oyununda Qazaxıstanın "Jetısu" komandası ilə heç-heçə edib - 1:1. Bosniya və Herseqovina "Çelik"i ilə qarşılaşma isə baş tutmayıb.
