"Deməzdim ki, "Qarabağ" "Hayduk"dan zəifdir. Bu komanda da güclü, Çempionlar Liqası, Avropa Liqası səviyyəsindədir".
Sportnet.az-ın məlumatına görə, bunu Ukraynanın "Şaxtyor" (Donetsk) komandasının futbolçusu Sergey Krivtsov Türkiyənin Antalya bölgəsindəki ilk təlim-məşq toplanışındakı yoxlama oyunları barədə "Komanda 1"ə müsahibəsində deyib. 28 yaşlı müdafiəçi bildirib ki, Azərbaycan təmsilçisinə 3:1 hesabı ilə qalib gəldikləri qarşılaşmada daha yaxşı təsir bağışlayıblar: "Bu görüşdə daha hazırlıqlı idik və bizdə çox şey alındı. Yaxşı rəqibə qarşı oynadıq. Ona görə də Türkiyədəki hər iki matç hazırlığımız üçün faydalı idi".
Qeyd edək ki, "Şaxtyor" ilk toplanışda "Qarabağ"dan əvvəlki yoxlama oyununda "Hayduk"a 1:4 hesabı ilə uduzub.
