Azərbaycan Premyer Liqasında XVI turun daha bir oyunu keçirilib.
Sportnet.az-ın məlumatına görə, "Kapital Bank Arena"da "Sumqayıt" komandası "Qarabağ"ı qəbul edib. Görüş qonaqların 2:0 hesablı qələbəsi ilə yekunlaşıb. Hesabı 20-ci dəqiqədə Filip Ozobiç açıb. Onun zərbəsindən sonra top toru deyiş keçib. Bu zaman yan xətt hakimi qolun olmadığını iddia edib. "Qarabağ"ın futbolçularının etirazlarından və baş hakim Orxan Məmmədov laynsmanla məsləhətləşdikdən sonra mərkəzi göstərib.
İlk yarı ilə müqayisədə "Sumqayıt" ikinci hissəyə daha fəal başlayıb. Lakin meydan sahiblərinin hücumları nəticə verməyib. 80-ci dəqiqədə Reynaldo "Qarabağ"ın heyətində 2 il 13 gündən sonra meydana çıxıb. O, Dani Kintananı əvəzləyib. Bundan 1 dəqiqə sonra isə Bədavi Hüseynov künc zərbəsindən ötürülən topu tora göndərib.
Bu qələbə sayəsində "Qarabağ" xallarını 34-ə çatdıraraq, lider "Neftçi" ilə bərabərləşib. "Sumqayıt" isə 15 xalla 6-cı pillədə qalıb.
Qeyd edək ki, turun açılış oyununda "Qəbələ" səfərdə "Sabah"a qalib gəlib - 1:0. Tura fevralın 10-da keçiriləcək "Neftçi" - "Keşlə" və "Səbail" - "Zirə" görüşləri ilə yekun vurulacaq.
------------------
Azərbaycan Premyer Liqasında XVI tura start verilib.
Sportnet.az xəbər verir ki, turun açılış oyununda "Sabah" "Qəbələ"ni qəbul edib. Masazırdakı "Əlincə Arena"da keçirilmiş görüş əyalət təmsilçisinin 1:0 hesablı qələbəsi ilə başa çatıb. Matçda hesabı 31-ci dəqiqədə qonaqların forvardı Rauf Əliyev açıb. Bundan 10 dəqiqə sonra isə debütantın hücumçusu Marko Deviç "fərqlənib". Ukraynalı legioner ikinci dəfə simulyasiya görə sarı vərəqə aldığı üçün meydandan qovulub.
Qarşılaşmanın əsas vaxtına əlavə edilmiş dəqiqələrdə maraqlı hadisə baş verib. "Sabah"ın qolkiperi künc zərbəsi zamanı "Qəbələ"nin cərimə meydançasına gəlib. "Qırmızı-qaralar" rəqibi əks-hücumda tutsalar da, Lalavele Atakoranın zərbəsindən sonra "Sabah"ın müdafiəçisi topu qapı xəttinin üzərində qaytarıb, Ceyms Adeniyinin təkrar zərbəsi tora daxil olsa da, baş hakim Səbuhi Bayramov ofsayd qeydə alıb. Qərara sərt etiraz edən "Qəbələ"nin məşqçisi Elmar Baxşıyev isə texniki zonadan kənarlaşdırılıb.
Bu qələbədən sonra xalını 23-ə çatdıran "Qəbələ" "Sabah"ı keçərək 4-cü pilləyə yüksəlib. Meydan sahibləri 20 xalla 5-ci yerdədir. Hesabat turu saat 18:30-da start götürəcək "Sumqayıt" - "Qarabağ" oyunu ilə davam edəcək. Bazar günü isə "Neftçi" - "Keşlə" və "Səbail" - "Zirə" görüşləri baş tutacaq.
------------------------------
Bu gün Azərbaycan Premyer Liqasında XVI tura start veriləcək.
Sportnet.az xəbər verir ki, iki günü əhatə edəcək turun açılış matçında debütant "Sabah" "Əlincə Arena"da "Qəbələ"ni qəbul edəcək. Hazırda 20 xala malik olan hər iki kolllektiv mövsümün ikinci yarısına qələbə ilə start verib.
4-5-ci yerləri bölüşdürən komandalar yalnız cari mövsümdə üz-üzə gəliblər. İlk dövrədəki matçda Elşad Əhmədovun rəhbərlik etdiyi komanda "Qəbələ"ni məğlub edib 1:0. Sənan Qurbanovun yetirmələri isə Qəbələdəki oyunda rəqibini 2:1 hesabı ilə üstələyib. Əyalət təmsilçisi Azərbaycan Kubokunun 1/4 final mərhələsində də "Sabah"ı iki oyunun nəticəsinə görə mübarizədən kənarlaşdırıb - 1:0,1:0.
"Sabah"ın yeni transferi Təmkin Xəlilzadə sarı vərəqə limitində olduğu üçün sabiq komandasına qarşı oynaya bilməyəcək. Debütantın digər oyunçusu Məqsəd İsayev də "Zirə" ilə oyunda qırmızı vərəqə aldığı üçün bu matçı buraxacaq.
Günün digər görüşündə isə son ölkə çempionu "Qarabağ" Sumqayıtda eyniadlı komandanın qonağı olacaq. 31 xalla turnir cədvəlinin ikinci pilləsində qərarlaşan Ağdam təmsilçisi qələbə qazanaraq "Neftçi" ilə xal fərqini ən azı bir günlük aradan qaldırmağa çalışacaq. 15 xalla altıncı sırada olan Ayxan Abbasovun komandası isə yuxarı pillələrdən uzaqlaşmamaq üçün sərfəli nəticə əldə etməlidir.
"Qarabağ"ın baş məşqçisi Qurban Qurbanov bu görüşdə Qara Qarayev və Mahir Mədətovun xidmətindən yararlana bilməyəcək. Qarayev ötən tur "Neftçi" ilə matçda qırmızı vərəqə alıbsa, Mədətov həmin görüşdə 4-cü sarı vərəqəsini alaraq cəzalı duruma düşüb.
"Sumqayıt" çempionatda 13 oyundur ki, rəqibini məğlub edə bilmir. Ardıcıl üç quru hesablı qələbə qazanan Ağdam təmsilçisi son 13 matçda meydanı qolsuz tərk etməyib. Komandalar çempionatda indiyədək 26 dəfə qarşılaşıblar. Bu oyunların 19-da "köhlən atlar" qələbə qazanıb. Dörd oyunda "Sumqayıt" meydanı üç xalla tərk edibsə, üç görüşdə qalib müəyyənləşməyib. Topların fərqində də "Qarabağ"ın üstünlüyü var - 54:12.
Azərbaycan Premyer Liqası XVI tur
9 fevral (şənbə)
16:00. “Sabah” – “Qəbələ” 0:1
Qol: Rauf Əliyev, 31
“Əlincə Arena”, 600 tamaşaçı
Baş hakim: Səbuhi Bayramov
Baş hakimin köməkçiləri: Yaşar Abbasov, Nahid Əliyev
Dördüncü hakim: Nahid Xasıyev
Hakim-inspektor: Zöhrab Qədiyev
AFFA nümayəndəsi: Erkin Hüseynov
Sarı vərəqələr: Marko Deviç, 17 (qeyri-idman hərəkəti), 45+1 (qeyri-idman hərəkəti); Rəşad Eyubov, 29 (qeyri-idman hərəkəti); Coşqun Diniyev, 47 (qeyri-idman hərəkəti) - Amin Seydiyev, 53 (qeyri-idman hərəkəti); Elvin Camalov, 57 (qeyri-idman hərəkəti)
Qırmızı vərəqə: Marko Deviç, 45+1
Artırılan vaxt: I hissədə - 1 dəq.; II hissədə - 6 dəq.
“Sabah”: 30. Saşa Stamenkoviç 5. Kərim Diniyev 91. Coşqun Diniyev (4. Tərzin Cahangirov, 74) 7. Rəşad Eyubov 10. Cavid İmamverdiyev (k) 13. Filip İvanoviç 25. Vanderson Silva 15. Erik Ramos 22. Miloş Bosançiç (8. Elşən Abdullayev, 46) (97. Emil Qasımov, 60) 9. Marko Deviç 11. Elgün Nəbiyev
Ehtiyat oyunçular: 1. Tərlan Əhmədli 21. Novruz Məmmədov 6. Vadim Abdullayev 27. Bəxtiyar Soltanov 33. Eltun Turabov 88. Elçin Əsədov 77. Şakir Seyidov
Baş məşqçi: Elşad Əhmədov
“Qəbələ”: 22. Dmitri Bezotosnı 34. Urfan Abbasov 14. Cavid Hüseynov (k) 4. Elvin Camalov (88. Sabien Lilay, 68) 10. Rauf Əliyev 3. Voislav Stankoviç 17. Ceyms Adeniyi 28. Stiven Monroz (11. Asif Məmmədov, 88) 9. Davit Volkov (21. Atakora Lalavele, 77) 27. Bəhlul Mustafazadə 2. Amin Seydiyev
Ehtiyat oyunçular: 1. Anar Nəzirov 5. Rasim Ramaldanov 18. İlqar Qurbanov 8. Qismət Alıyev 7. Roman Hüseynov 98. Rövlan Muradov 77. Samir Qurbanov
Baş məşqçi: Zaur Həşimov
Birinci dövrə - 1:0
İkinci dövrə - 1:2
18:30. “Sumqayıt” – “Qarabağ” - 0:2
Qollar: Filip Ozobiç, 20. Bədavi Hüseynov, 81
“Kapital Bank Arena”, 1500 tamaşaçı
Baş hakim: Orxan Məmmədov
Baş hakimin köməkçiləri: Elşad Abdullayev, Cavanşir Yusifov
Dördüncü hakim: Rauf Cabarov
Hakim-inspektor: Şahin Cəfərov
AFFA nümayəndəsi: Əsgər Əmirəliyev
Sarı vərəqələr: Xəyal Nəcəfov, 23 (qeyri-idman hərəkəti); Əli Babayev, 45+1 (qeyri-idman hərəkəti); Əfran İsmayılov, 69 (qeyri-idman hərəkəti); Ehtiram Şahverdiyev, 78 (qeyri-idman hərəkəti); Aleksey İsayev, 90 (qeyri-idman hərəkəti) - Hacıağa Hacılı, 29 (qeyri-idman hərəkəti); Riçard Almeyda, 54 (qeyri-idman hərəkəti); Filip Ozobiç, 57 (qeyri-idman hərəkəti); Donald Gerrye, 69 (oyunun bərpasını ləngitdiyinə görə)
Artırılan vaxt: I hissədə - 1 dəq.; II hissədə - 4 dəq.
“Sumqayıt”: 12. Rəşad Əzizli 21. Arif Daşdəmirov 2. Rail Məlikov 3. Vurğun Hüseynov (k) 99. Əli Babayev 10. Aleksey İsayev 5. Adil Nağıyev 8. Peyman Babayi (9. Ehtiram Şahverdiyev, 65) 70. Ülvi İsgəndərov (15. Əmir Ağayev, 46) 74. Yusif Nəbiyev 97. Xəyal Nəcəfov (22. Əfran İsmayılov, 46)
Ehtiyat oyunçular: 1. Mehdi Cənnətov 60. Elvin Məmmədov 17. Nicat Qurbanov 7. Cavid Tağıyev 18. Süleyman Əhmədov 20. Rüfət Abdullazadə
Baş məşqçi: Ayxan Abbasov
“Qarabağ”: 13. Vaqner da Silva 55. Bədavi Hüseynov 14. Rəşad Sadıqov (k) 5. Maksim Medvedev 20. Riçard Almeyda 17. Abdullah Zubir 77. Donald Gerrye (25. Ansi Aqolli, 76) 19. Filip Ozobiç 10. Dani Kintana (99. Reynaldo Silva, 80) 7. İnnosent Emeqara (6. Simeon Slavçev, 67) 21. Hacıağa Hacılı
Ehtiyat oyunçular: 1. Hannes Halldorsson 4. Rahil Məmmədov 30. Abbas Hüseynov 52. Yakub Jezniçak 18. İsmayıl İbrahimli 70. Nicat Süleymanov
Baş məşqçi: Qurban Qurbanov
Hakimlər: Orxan Məmmədov, Elşad Abdullayev, Cavanşir Yusifov, Rauf Cabarov
Hakim-inspektor: Şahin Cəfərov
AFFA nümayəndəsi: Əsgər Əmirəliyev
“Kapital Bank Arena”
Birinci dövrə - 0:1
İkinci dövrə - 0:2
Qeyd edək ki, tura sabah keçiriləcək "Neftçi" - "Keşlə" və "Səbail" - "Zirə" matçları ilə yekun vurulacaq.
