Azərbaycan Premyer Liqasında XVII turun son oyununda Qarabağ” “Qəbələ”ni qəbul edib.
Sportnet.az-ın məlumatına görə, Tofiq Bəhramov adına Respublika stadionunda keçirilmiş qarşılaşma Ağdam təmsilçisinin 2:1 hesablı qələbəsi ilə yekunlaşıb.
Görüşdə hesab erkən açılıb. Dördüncü dəqiqədə Riçard Almeyda penaltidən fərqlənməklə “Qarabağ”ı önə keçirib. 28-ci dəqiqədə qonaqlar da penaltidən hesabı bərabərləşdiriblər. "Qəbələ”nin kapitanı Cavid Hüseynov 11 metrlik cərimə zərbəsini dəqiq yerinə yetirib.
Əyalət təmsilçisinin qol sevinci uzun çəkməyib. İki dəqiqə sonra Filip Ozobiç baxımlı qol vuraraq komandasını yenidən hesabda önə çıxarıb.
Fasilədən sonra tərəflərin səylərinə baxmayaraq, hesab dəyişməyib.
Bu nəticədən sonra da ikinci pillədə qalmasına baxmayaraq, “Qarabağ” xallarının sayını 37-ə çatdırıb və lider “Neftçi” ilə xal fərqini minimuma endirib. “Qəbələ” isə 23 xalla 4-cü yerdədir.
Qeyd edək ki, günün digər matçında “Səbail” “Sabah”ı məğlub edib – 1:0. İlk oyun günündə "Keşlə” “Sumqayıt”ı 2:1 hesabı ilə üstələyib. “Neftçi” isə “Zirə” ilə heç-heçə edib – 0:0.
-----------
Azərbaycan Premyer Liqasında XVII turun daha bir oyunu keçirilib.
Sportnet.az-ın məlumatına görə, "Bayıl Arena"da "Səbail" və "Sabah" komandaları üz-üzə gəlib. Görüş meydan sahiblərinin 1:0 hesablı qələbəsi ilə yekunlaşıb. Yeganə qolu 65-ci dəqiqədə Ağabala Ramazanov vurub.
Bu qələbə sayəsində xallarını 27-yə çatdıran Səbail" komandası 3-cü pillədə möhkəmlənib. 20 xala malik "Sabah" isə 20 xalla 5-cidir.
Qeyd edək ki, turun son oyunu Tofiq Bəhramov adına Respublika stadionunda "Qarabağ" və "Qəbələ" arasında keçiriləcək.
-------
Bu gün Azərbaycan Premyer Liqasında XVII turun son 2 oyunu keçiriləcək.
Sportnet.az-ın məlumatına görə, əvvəlcə "Bayıl Arena"da son iki mövsümün debütantı "Səbail" və "Sabah" klubları üz-üzə gələcək. Hazırda Aftandil Hacıyevin baş məşqçi olduğu kollektiv 24 xalla 3-cü, onun rəqib həmkarı Elşad Əhmədovun komandası isə 20 xalla 5-ci pillədə qərarlaşıb. “Səbail” əvvəlki iki oyunda uduzmayıb. “Sabah” isə rəqibinin qapısına qol vura bilməyib.
Turun son oyunu isə son illərin ən prinsipial komandaları "Qarabağ" və "Qəbələ" arasında təşkil olunacaq. Tofiq Bəhramov adına Respublika stadionunda keçiriləcək qarşılaşmada hər iki kollektiv üçün qələbə vacib əhəmiyyət kəsb edir. İlk oyun günündə "Neftçi" "Zirə" ilə səfər matçında qolsuz heç-heçə edərək cəmi 1 xalla kifayətləndiyindən, qələbə "Qarabağ" üçün liderlə xal fərqinin minimuma enməsinə səbəb ola bilər. Hazırda Ağdam komandası 34 xalla 2-ci pillədədir.
Cəmi 23 xala malik "Qəbələ" isə hazırda çempionluq yox, 3-cü pilləni ələ keçirməyə can atır. Bunun üçün isə ən azı səfər matçından qalib ayrılmaq lazımdır.
İndiyədək iki komanda Premyer Liqada 42 dəfə üz-üzə gəlib. Bunların 20-də "Qarabağ", 10-da "Qəbələ" qalib gəlibsə, 2 matçda heç-heçə qeydə alınıb. Topların nisbətində Ağdam təmsilçisi öndədir - 56:38.
Digər tərəfdən, son qarşılaşmalarda
“Qarabağ” ardıcıl 3 qələbə qazanıb. “Qəbələ” isə səfərdə 7 oyundur qalib gəlmir.
Azərbaycan Premyer Liqası, XVII tur
17 fevral (bazar)
15:00. “Səbail” – “Sabah” - 1:0
Qol: Ağabala Ramazanov, 65
Hakimlər: Rəvan Həmzəzadə, Rza Məmmədov, Əli Cəbrayılov, Kamal Umudlu
Hakim-inspektor: Ramil Diniyev
AFFA nümayəndəsi: Mübariz Hüseynov
“Bayıl Arena”
17:30. “Qarabağ” – “Qəbələ” - 2:1
Qol: Riçard Almeyda, 4 (penalti). Filip Ozobiç, 30 - Cavid Hüseynov, 28 (penalti)
Hakimlər: Rəhim Həsənov, Mübariz Haşımov, Eyyub İbrahimov, Etibar Həsənov
Hakim-inspektor: Asim Xudiyev
AFFA nümayəndəsi: Ələddin Ələkbərov
Tofiq Bəhramov adına Respublika stadionu
Qeyd edək ki, turun bütün görüşləri “CBC Sport” kanalı vasitəsilə canlı yayımlanacaq.
