"Neftçi”nin futbolçusu Soni Mustivar Haiti milli komandasına dəvət olunub.
Sportnet.az-ın klubun rəsmi saytına istinadən məlumatına görə, 29 yaşlı yarımmüdafiəçi okeanın o tayına martın 17-də yollanacaq. O, Haitinin KONKAKAF Milli Liqasında martın 24-də Kuba ilə keçirəcəyi ev oyununa çağırılıb.
Qeyd edək ki, Soni Mustivar 2013-cü ildən çıxış etdiyi Haiti milli komandasının heyətində 15 oyun keçirib, 2 qol vurub.
