Azərbaycan Premyer Liqasında XVI turun daha bir oyunu keçirilib.
Sportnet.az-ın məlumatına görə, ot örtüyü dəyişdirilmiş "ASK Arena"da "Keşlə" və "Səbail" komandaları qarşılaşıb. FİFA referisi Əliyar Ağayevin idarə etdiyi görüş qonaq komandanın qələbəsi ilə yekunlaşıb. Yeganə qolu "Səbail"in yeni transferi Hendrik Ekşteyn vurub. O, 51-ci dəqiqədə penaltini dəqiq yerinə yetirib.
Bu qələbə sayəsində xalını 15-ə çatdıran Səbail" 7-ci pilləyə yüksəlib. "Keşlə" isə 26 xalla 2-ci pillədə qalıb.
Qeyd edək ki, turun açılış matçında "Sabah" "Qəbələ"ni yenib - 3:2. Tura fevralın 8-də "Sumqayıt" - "Zirə" və "Qarabağ" - "Neftçi" matçları ilə yekun vurulacaq.
---------
Azərbaycan Premyer Liqasında XVI tura start verilib.
Sportnet.az-ın məlumatına görə, turun açılış matçında "Sabah" "Qəbələ"ni qəbul edib. "Bank Respublika Arena”da təşkil olunan qarşılaşma meydan sahiblərinin 3:2 hesablı qələbəsi ilə yekunlaşıb.
Görüşdə hesab 5-ci dəqiqədə açılıb. "Qəbələ"dən Ülvi İsgəndərov fərqlənib. Meydan sahibləri 19-cu dəqiqədə bərabərlik qolunu vura bilib. Qış transfer dönəmində "Sabah"a qayıdan Marko Deviç topu rəqib qapısından keçirib. 3 dəqiqə sonra paytaxt təmsilçisinin yeni transferi Mario Marina qonaqları ikinci dəfə məyus edib - 2:1.
64-cü dəqiqədə "Qəbələ"dən Ehtiram Şahverdiyev avtoqol müəllifi olub. 90+1-ci dəqiqədə qonaqların oyunçusu Nikolas Raysel penaltini dəqiq yerinə yetirərək yekun nəticəni müəyyənləşdirib.
Bu nəticədən sonra 16-cı xalını qazanan yenə "Sabah" 6-cı yerdə qərarlaşıb, "Qəbələ" isə 13 xalla 7-ci sırada qalıb.
Qeyd edək ki, günün digər matçında "Keşlə" "Səbail"i qəbul edəcək. Tura sabah keçiriləcək "Sumqayıt" - "Zirə" və "Qarabağ" - "Neftçi" qarşılaşmaları ilə yekun vurulacaq.
----------------
Bu gün Azərbaycan Premyer Liqasında XVI tura start veriləcək.
Sportnet.az-ın məlumatına görə, ilk oyun günündə iki qarşılaşma baş tutacaq. Açılış matçında "Sabah" "Qəbələ"ni qəbul edəcək. Hər iki komanda hazırda 13 xala malikdir və 6-7ci yerləri bölüşdürürlər. Birinci dövrədə əyalət təmsilçisi 1:0, ikinci dövrədə isə "Sabah 2:1 hesablı qələbə qazanıb.
Komandalar arasında Premyer Liqada keçirilmiş 6 oyunun 2-ki də meydan sahibləri, 3-də isə qonaqlar 3 xal əldə edib. Topların fərqində də "Qəbələ"nin minimal üstünlüyü var - 5:4.
Günün digər oyununda "Keşlə "Səbail"i qəbul edəcək. 26 xala malik olan meydan sahibləri "Neftçi" ilə birlikdə 2-3-cü yerləri bölüşdürürlər. Çempionatda ardıcıl 11 oyundur ki, qələbə qazana bilməyən "Səbail" 12 xalla sonuncu-8-ci yerdədir.İlk dövrədə "Səbail" 2:1 hesablı qələbə qazanıb, ikinci dövrədəki görüş isə qolsuz bərabərliklə yekunlaşıb. Komandalar Premyer Liqada 10 dəfə qarşılaşıblar. Bunların 5-də "Səbail", 3-də isə "Keşlə" qalib gəlib. Topların fərqində də qonaqlar üstündür - 12:10.
Azərbaycan Premyer Liqası, XVI tur
7 fevral (cümə)
19:00. “Sabah” – “Qəbələ” - 3:2
Qollar: Marko Deviç, 19. Mario Marina, 22. Ehtiram Şahverdiyev, 64 (öz qapısına) - Ülvi İsgəndərov, 5. Nikolas Raysel, 90+1 (pen.)
Hakimlər: Rəvan Həmzəzadə, Cəmil Quliyev, Vüqar Bayramov, Vüqar Həsənli
Hakim-inspektor: Ceyhun Haşımov
AFFA nümayəndəsi: Eldəniz Musayev
“Bank Respublika Arena”
21:00.“Keşlə” –“ Səbail” - 0:1
Qol: Hendrik Ekşteyn, 51
Hakimlər: Əliyar Ağayev, Akif Əmirəli, Zeynal Zeynalov, Nicat İsmayıllı
Hakim-inspektor: Ramil Diniyev
AFFA nümayəndəsi: Erkin Hüseynov
“ASK Arena”
