UEFA Avropa Liqasında 1/16 final mərhələsinin ilk oyunları keçirilib.
Sportnet.az-ın məlumatına görə, Azərbaycan millisinin futbolçusu Renat Dadaşovun çıxış etdiyi "Vulverhempton" İngiltərədə İspaniya "Espanyol"unu qəbul edib. Görüş meydan sahiblərinin böyük hesablı qələbəsi ilə yekunlaşıb - 4:0. Dadaşov bu matçda ehtiyat oyunçular skamyasında belə yer almayıb.
Türkiyənin turnirdəki yeganə təmsilçisi "Başakşehir" Portuqaliyada "Sportinq"in qonağı olub. Bu matçda da meydan sahibləri qələbə qazanıb - 3:1.
İngiltərənin digər klublarından "Arsenal" Yunanıstanda "Olimpiakos"a 1:0 hesabı ilə qalib gəlsə, "Mançester Yunayted" isə Belçikada "Brügge" ilə heç-heçə edib - 1:1. İtaliya "İnter"i Bolqarıstanda "Lüdoqorets"i yenib - 2:0.
Qrup mərhələsində "Qarabağ"la birgə çıxış etmiş APOEL isə Kiprdə İsveçrə "Bazel"inə uduzub - 0:3.
Avropa Liqası
1/16 final mərhələsi, ilk oyunlar
21:55. "Şaxtyor" (Donetsk, Ukrayna) - "Benfika" (Portuqaliya) - 2:1
Qollar: Alan Patrik, 56. Viktor Kovalenko, 72 - Luiş Pitsi, 67 (pen.)
21:55. "Ayntraxt" (Frankfurt, Almaniya) - "Zaltsburq" (Avstriya) - 4:1
Qollar: Daiti Kamada, 12; 43; 53. Filip Kostiç, 56 - Hi Çan Hvan, 85 (pen.)
21:55. "Lüdoqorets" (Bolqarıstan) - "İnter" (İtaliya) - 0:2
Qollar: Kristian Eriksen, 71. Romelu Lukaku, 90+4 (pen.)
21:55. "Brügge" (Belçika) - "Mançester Yunayted" (İngiltərə) - 1:1
Qollar: Emmanuel Dennis, 15 - Antoni Marsyal, 36
21:55. ÇFR (Rumıniya) - "Sevilya" (İspaniya) - 1:1
Qollar: Çiprian Dyak, 59 (pen.) - Yussef Ən-Nəsiri, 82
21:55. "Kopenhagen" (Danimarka) - "Seltik" (Şotlandiya) - 1:1
Qollar: Dam N Doy, 52 - Odsonn Eduar, 14
Dəqiq yerinə yetirilməmiş penalti: Yens Stage, 79 ("Kopenhagen")
21:55. "Xetafe" (İspaniya) - "Ayaks" (Hollandiya) - 2:0
Qollar: Deyverson, 38. Kenedi, 90+3
21:55. "Sportinq" (Portuqaliya) - "Başakşehir" (Türkiyə) - 3:1
Qollar: Sebastyan Koates, 3. Andraj Şporar, 44. Lusiano Vyetto, 51 - Edin Vişça, 77 (pen.)
24:00. "Reyncers" (Şotlandiya) - "Braqa" (Portuqaliya) - 3:2
Qollar: Yanis Hacı, 67; 82. Co Aribo, 75 - Franserjio, 11. Abel Ruis, 59
24:00. "Roma" (İtaliya) - "Gent" (Belçika) - 1:0
Qol: Karles Peres, 13
24:00. "Volfsburq" (Almaniya) - "Malmö" (İsveç) - 2:1
Qollar: Yosip Brekalo, 49. İsaak Kize-Telin, 62 (öz qap.) - İsaak Kize-Telin, 47 (pen.)
24:00. AZ (Hollandiya) - LASK (Avstriya) - 1:1
Qollar: Teun Koopmeyners, 86 (pen.) - Marko Raquts, 26
24:00. "Olimpiakos" (Yunanıstan) - "Arsenal" (İngiltərə) - 0:1
Qol: Aleksandr Lyakazett, 81
24:00. APOEL (Kipr) - "Bazel" (İsveçrə) - 0:3
Qollar: Raul Petretta, 16. Valentin Ştoker, 53. Artur Kabral, 66
24:00. "Bayer" (Leverkuzen, Almaniya) - "Portu" (Portuqaliya) - 2:1
Qollar: Lukas Alario, 29. Kay Haverts, 57 (pen.) - Luis Dias, 73
24:00. "Vulverhempton" (İngiltərə) - "Espanyol" (İspaniya) - 4:0
Qollar: Dioqu Jota, 15; 67; 81. Ruben Neveş, 52
Qeyd edək ki, cavab görüşləri fevralın 27-də keçiriləcək.
