UEFA Çempionlar Liqasında 1/8 final mərhələsinin ilk matçlarına yekun vurulub. Sportnet.az-ın məlumatına görə, son olaraq, İspaniya və Fransada qarşılaşmalar oynanılıb.
“Real Madrid” İngiltərənin “Mançester Siti” komandası ilə görüşdə 1:2 hesabı ilə uduzub. Hesabı 60-cı dəqiqəsində "kral klubu"nun futbolçusu İsko açıb. Lakin “Mançester Siti” matçda təşəbbüsü ələ almağı bacarıb. Qonaqların heyətində 78-ci dəqiqədə Qabriel Jesus, 83-cü dəqiqədə isə penaltidən Kevin De Brüyne fərqlənib. 86-cı dəqiqədə isə meydan sahiblərinin kapitanı Serxio Ramos qırmızı vərəqə alıb.
“Lion”u isə öz meydanında İtaliya “Yuventus”unu qəbul edib. Qarşılaşma meydan sahiblərinin minimal hesablı qələbəsi ilə başa çatıb – 1:0. Yeganə qolu 31-ci dəqiqədə Lüka Tuzar vurub.
Cavab görüşləri martın 17-də keçiriləcək.
Qeyd edək ki, əvvəlki oyunlarda "Çelsi" İngiltərədə Almaniya "Bavariya"sına 0:3 hesabı ilə yenilib, "Napoli" İtaliyada İspaniya "Barselona"sı ilə bərabərə qalıb - 1:1. "Tottenhem" İngiltərədə Almaniya "Leyptsiq"inə 0:1 hesabı ilə uduzub, "Atalanta" İtaliyada İspaniyada "Valensiya"sını darmadağın edib - 4:1. Bundan başqa, "Atletiko" İspaniyada İngiltərə "Liverpul"una 1:0, Almaniyanın "Borussiya" (Dortmund) komandası Fransa PSJ-sinə 2:1 hesabı ilə qalib gəlib.
-----------------------------------
Bu gün UEFA Çempionlar Liqasında 1/8 final mərhələsinin növbəti oyunları keçiriləcək. Sportnet.az-ın məlumatına görə, Fransa və İspaniyada mərhələnin ilk görüşlərindən daha 2-si gerçəkləşəcək.
İtaliyanın "Yuventus" klubu "Lion"un qonağı olacaq. Meydan sahibləri matça ciddi itkilərlə çıxacaqlar. Müdafiəçilər Rafael və Yussuf Kone, yarımmüdafiəçi Ren-Adelaid Jeff və hücumçu Memfis Depay zədəlidir. Turin klubunda isə zədədən sonra bərpa dövrünü keçən yarımmüdafiəçi Duqlas Kosta və Sami Xediranın qarşılaşmada iştirakı sual altındadır.
Günün digər matçında "Real Madrid" İngiltərə "Mançester Siti"sini qəbul edəcək. "Kral klubu"nda yarımmüdafiəçi Marko Asensio ilə hücumçu Eden Azar zədəlidir. "Şəhərlilər"də isə Leroy Sane və Rəhim Sterlinqin durumuna hələ aydınlıq gəlməyib.
Bu komandalar arasındakı cavab oyunları martın 18-da olacaq.
Çempionlar Liqası
1/8 final mərhələsi, ilk oyunlar
26 fevral
24:00. "Real Madrid" (İspaniya) - "Mançester Siti" (İngiltərə) - 1:2
Qollar: İsko, 60 - Qabriel Jesus, 78. Kevin de Bruyne, 83 (pen.)
Qırmızı vərəqə: Serxio Ramos, 86 ("Real Madrid")
Baş hakim: Daniele Orsato (İtaliya)
"Santyaqo Bernabeu" stadionu
24:00. "Lion" (Fransa) - "Yuventus" (İtaliya) - 1:0
Qol: Lüka Tuzar, 31
Baş hakim: Jesus Gil Manzano (İspaniya)
"Olimpik Lion" stadionu
Qeyd edək ki, fevralın 25-də "Çelsi" İngiltərədə Almaniya "Bavariya"sına 0:3 hesabı ilə yenilib, "Napoli" İtaliyada İspaniya "Barselona"sı ilə bərabərə qalıb - 1:1. Ötən həftə isə "Tottenhem" İngiltərədə Almaniya "Leyptsiq"inə 0:1 hesabı ilə uduzub, "Atalanta" İtaliyada İspaniyada "Valensiya"sını darmadağın edib - 4:1. Bundan başqa, "Atletiko" İspaniyada İngiltərə "Liverpul"una 1:0, Almaniyanın "Borussiya" (Dortmund) komandası Fransa PSJ-sinə 2:1 hesabı ilə qalib gəlib.
