"Xəzər Lənkəran” son anda məşq edəcəyi stadionu dəyişdi. Sportnet.az-ın məlumatına görə, ADBTİA-nın stadionunda planlaşdırılan məşq, təmir səbəbinə görə baş tutmayıb.
Bu barədə informasiyanı klubun mətbuat xidmətinin rəhbəri Hüseyn Cəbrayıloğlu verib: "Artıq problemi aradan qaldırmışıq. Məşq "Qarabağ”ın bazasında Mustafa Dənizlinin rəhbərliyi altında baş tutacaq”.
Qeyd edək ki, cənublular sonuncu – XXXVI turda "Qarabağ”la oyunu doğma meydanda keçirməli idilər. Lakin ağdamlıların görüşün yerini dəyişmək təklifini müsbət dəyərləndirərək, Bakıda oynamağa razılıq veriblər. Tərəflər bu gün və ya sabah matçın paytaxtda baş tutması ilə əlaqədar Peşəkar Futb ol Liqasına razılıq məktubu ünvanlayacaqlar.
