Beynəlxalq İdman Araşdırmalar Mərkəzi (CİES) futbol bazarının illik hesabatı ilə çıxış edib. Sportnet.az-ın football-observatory.com-a istinadən məlumatına görə, "Barselona” heyətinə görə dünyada ən bahalı klubdur.
Hesablamalar nəticəsində Kataloniya təmsilçisinin dəyəri 593 milyon avroya bərabər olduğu müəyyənləşib. İkinci yerdə digər İspaniya nəhəngi Madrid "Real”ı qərarlaşıb. "Kral klubu”nun heyətinin dəyəri 483 milyon avrodur. İlk üçlüyü Münhen "Bavariya”sı qapayır. Almaniyanın ən titullu komandasının futbolçularının ümumi dəyəri 400 milyon avrodur.
İlk onluğa daxil olan digər komandalar:
4. "Mançester Siti” – 386 milyon avro
5. "Çelsi” – 385 milyon avro
6. "Liverpul” – 373 milyon avro
7. "Arsenal” – 358 milyon avro
8. "Yuventus” – 282 milyon avro
9. PSJ – 278 milyon avro
10. "Mançester Yunayted” – 273 milyon avro
