UEFA Avropa Liqasının I qrupunun ilk turunda İsraildə "Qarabağ"ı qəbul edəcək "Makkabi" (Tel-Əviv) komandası oyunun hazırlıqlarını davam etdirir.
Sportnet.az klubun rəsmi saytına istinadən xəbər verir ki, hazırda yığmadan qayıdan 5 futbolçu - Eytan Tibi, Şeran Yeini, Maor Kandil, Eyal Qolasa və Eden Karzev karantində olduğu üçün məşqlərdə iştirak etmir.
Əvəzində koronavirusdan sağalmış Den Bitton sıraya dönüb. Onun Ağdam klubu ilə matçda iştirakı üçün heç bir problem qalımayıb. Həmçinin yeni transfer Luis Ernandesin də Azərbaycan çempionuna qarşı oynayacağı gözlənilir.
Qeyd edək ki, oktyabrın 22-də keçiriləcək görüş Bakı vaxtı ilə 23:00-da başlayacaq.
