Azərbaycan Premyer Liqasında mövsümün ikinci yarısına hazırlaşan "Zirə" və "Sumqayıt" komandaları yoxlama oyununda üz-üzə gəlib.
Sportnet.az-ın məlumatına görə, Bakının Mərdəkan qəsəbəsindəki "Dalğa Arena"da keçirilmiş oyun "gənclik şəhəri" təmsilçisinin qələbəsi ilə yekunlaşıb - 3:2.
"Sumqayıt"ın ilk iki qolunu 7-ci və 37-ci dəqiqələrdə Cavid İmamverdiyev, sonuncusunu isə kapitan Vurğun Hüseynov vurub. "Zirə"dən isə 36-cı dəqiqədə Davit Volkov, 90-cı dəqiqədə yeni transfer Musa Qurbanlı fərqlənib.
Qeyd edək ki, ilin ilk yoxlama oyununda "Neftçi" "Kəpəz"i məğlubiyyətə uğradıb - 1:0.
--------------------------------
Azərbaycan Premyer Liqasının lideri "Neftçi" qış təlim-məşq toplanışında ilk oyununu keçirib.
Sportnet.az-ın məlumatına görə, rəqib I Divizion təmsilçisi "Kəpəz" olub. "Türk Hava Yolları Futbol Mərkəzi”ndə təşkil olunmuş qarşılaşma paytaxt təmsilçisinin qələbəsi ilə yekunlaşıb. Yeganə qolu 78-ci dəqiqədə çempionatın bombardiri Namik Ələskərov vurub. O, ikinci hissədə meydana daxil olaraq, fərqlənməyi bacarıb.
Qarşılaşma həm də "Neftçi"nin qapıçısı Səlahət Ağayevin uzun fasilədən sonra yaşıl meydanlara qayıdışı ilə əlamətdar olub.
Qeyd edək ki, bu, qış fasiləsində Azərbaycan klublarının ifasında ilk yoxlama oyunu olub.
---------------------
Bu gün Azərbaycan klubları qış toplanışında yoxlama oyunlarına start verəcəklər.
Sportnet.az-ın məlumatına görə, ilk görüş Premyer Liqanın lideri "Neftçi" və I Divizion təmsilçisi "Kəpəz" arasında keçiriləcək. "Türk Hava Yolları Futbol Mərkəzi”ndə təşkil olunacaq qarşılaşma saat 15:00-da başlanacaq. Görüş "Neftçi" TV vasitəsilə canlı yayımlanacaq.
“Neftçi” ikinci yoxlama oyununu yanvarın 14-də “Keşlə” ilə keçirəcək.
Günün digər matçında "Zirə" və "Sumqayıt" komandaları üz-üzə gələcək. “Dalğa Arena”da baş tutacaq oyun 16:00-da başlayacaq.
Yoxlama oyunları
15:00. "Neftçi" - "Kəpəz" - 1:0
Qol: Namik Ələskərov, 78
"Neftçi”: 30.Aqil Məmmədov, 4.Rener Alves De Souza, 6.Voislav Stankoviç, 8.Emin Mahmudov (K), 17.Bruno Teluşi, 20.Mert Çelik, 22.Mirabdulla Abbasov, 37.Vüsal Əsgərov, 56.Elton Əlibəyli, 72.Emin Zamanov, 91.Tallison Dias.
Ehtiyat oyunçular: 1.Səlahət Ağayev, 12.Kamran İbrahimov, 3.Mamadu Mboc, 5.Anton Krivotsyuk, 7.Namik Ələskərov, 10.Saman Nərimancahan, 19.Fəhmin Muradbəyli, 26.Ömər Buludov, 36.Mamadu Kane, 44.Seymur Əliyev, 70.Asim Əlizadə, 80.İsmayıl Zülfüqarlı.
Türk Hava Yolları Futbol Mərkəzi
16:00. "Sumqayıt" - "Zirə" - 3:2
Qollar: Cavid İmamverdiyev, 7; 37. Vurğun Hüseynov, 50 - Davit Volkov, 36. Musa Qurbanlı, 90
"Zirə: 1.Mateus Albino, 2.Sertan Taşkın, 4.Elvin Camalov, 8.İlkin Muradov, 9.Davit Volkov, 10.Ağabala Ramazanov (K), 11.Klesio Bauk, 12.Lazar Corceviç, 30.Riçard Almeyda, 32.Qismət Alıyev, 77.Cəlal Hüseynov
"Sumqayıt": Mehdi Cənnətov, Cabir Əmirli, Vurğun Hüseynov, Cəmaləddin Xocaniyazov, Eltun Turabov, Tellur Mütəllimov, Vüqar Mustafayev, Murad Xaçayev, Xəyal Nəcəfov, Cavid İmamverdiyev, Əli Qurbani
"Dalğa Arena"
