"Sumqayıt” klubunun növbəti mövsüm üçün hazırlıq planı müəyyənləşib. Bu barədə Sportnet.az-a klubun mətbuat katibi Rəşad Məmmədov məlumat verib.
Onun sözlərinə görə təlim-məşq toplanışının 1-ci mərhələsinə iyunun 23-də start veriləcək. Sumqayıt şəhərində baş tutacaq hazırlıqlara iyulun 15-də yekun vurulacaq.
Məmmədov onu da qeyd edib ki, təlim-məşq toplanışının 2-ci mərhələsi ölkə xaricində keçiriləcək. Amma hələlik komandanın üz tutacağı ölkə müəyyənləşməyib.
