Azərbaycan Premyer Liqasında XXVI turun daha bir oyunu keçirilib.
Sportnet.az-ın məlumatına görə, günün ikinci matçında "Səbail" çempionluğa iddialı "Neftçi"ni qəbul edib. "ASCO Arena"dakı qarşılaşma qonaqların 4:0 hesablı qələbəsi ilə başa çatıb.
"Neftçi"nin qollarını 13-cü dəqiqədə Voyislav Stankoviç, 62-ci dəqiqədə Yusuf Laval, 72-ci dəqiqədə Keysuke Honda, 79-cu dəqiqədə isə penaltidən Namiq Ələsgərov vurub.
Qələbə sayəsində xallarının sayını 53-ə çatdıran "Neftçi" ən azı bir gün müddətinə liderliyə yüksəlib. Flaqman bir oyun az keçirən "Qarabağ"dan iki xal çox toplayıb. "Səbail" isə 24 xalla 7-ci yerdədir.
Qeyd edək ki, günün digər oyununda "Sumqayıt" səfərdə "Keşlə"ni 1:0 hesabı ilə yenib. Tura mayın 9-da keçiriləcək "Zirə" - "Qəbələ" və "Sabah" - "Qarabağ" matçları ilə yekun vurulacaq.
-------------------------------
Azərbaycan Premyer Liqasında XXVI tura start verilib.
Sportnet.az-ın məlumatına görə, açılış matçında "Keşlə" "Sumqayıt"ı qəbul edib. "ASK Arena"dakı matç qonaqların 1:0 hesablı qələbəsi ilə yekunlaşıb.
Qarşılaşmada yeganə qolu 78-ci dəqiqədə Rəhim Sadıxov penaltidən vurub.
Bu nəticədən sonra xallarını 36-ya çatdıran "gənclik şəhəri" təmsilçisi 3-cü pilləyə yüksəlib. "Keşlə" isə 23 xalla sonuncu sırada qalıb.
Günün digər oyununda "Neftçi" "ASCO Arena"da "Səbail"lə üz-üzə gələcək. Görüş saat 20:15-də başlayacaq.
Qeyd edək ki, tura mayın 9-da keçiriləcək "Zirə" - "Qəbələ" və "Sabah" - "Qarabağ" matçları ilə yekun vurulacaq.
---------------------------------
Bu gün Azərbaycan Premyer Liqasında XXVI tura start veriləcək. Sportnet.az-ın məlumatına görə, ilk oyun günündə 2 qarşılaşma keçiriləcək.
Tur "ASK Arena"da oynanılacaq "Keşlə" - "Sumqayıt" matçı ilə başlayacaq. Hazırda meydan sahibləri 23 xalla sonuncu, qonaqlar isə 33 xalla 4-cü pillədə qərarlaşıb.
Komandalar indiyədək 34 çempionat görüşündə üz-üzə gəliblər. Bunların 16-sı "Keşlə"nin, 8-i "Sumqayıt"ın xeyrinə başa çatıb. Topların nisbətində də paytaxt təmsilçisinin üstünlüyü nəzərə çarpır - 51:34. Son 4 görüşdə meydan sahibi olan komanda qələbə qazanmayıb. “Sumqayıt” son 6 səfər matçında qol sevinci yaşayıb.
Bu kollektivlər mayın 24-də Azərbaycan Kubokunun finalında da üz-üzə gələcəklər.
Günün son oyununda 50 xalla ikinci sırada yer alan "Neftçi" 24 xalla 7-ci olan "Səbail"in qonağı olacaq.
Bunadək Premyer Liqada iki klub arasında keçirilmiş 14 oyunun 2-də "dənizçilər", 9-da isə "ağ-qaralar" qələbə qazanıb. Flaqman bu görüşlərdə 30 qol vurubsa, Bayıl təmsilçisi cəmi 10 dəfə fərqlənib. İki komandanın şəxsi duellərində “Neftçi” 4 matçdır meydanı qolsuz tərk etmir. “Səbail” isə 7 oyundur qalib gələ bilmir.
Azərbaycan Premyer Liqası
XXVI tur
8 may
18:00. “Keşlə” – “Sumqayıt” - 0:1
Qol: Rəhim Sadıxov, 78 (penalti)
Hakimlər: Rəşad Əhmədov, Cavanşir Yusifov, Eyyub İbrahimov, Nicat İsmayıllı
Hakim-inspektor: Babək Quliyev
AFFA nümayəndəsi: Elgiz Abbasov
“ASK Arena”
20:15: “Səbail” – “Neftçi” - 0:4
Qollar: Voyislav Stankoviç, 13. Yusuf Laval, 62. Keysuke Honda, 72. Namiq Ələsgərov, 79
Hakimlər: Elçin Məsiyev, Pərvin Talıbov, Müslüm Əliyev, İnqilab Məmmədov
Hakim-inspektor: Ömər Paşayev
AFFA nümayəndəsi: Asif Əliyev
“ASCO Arena”
Qeyd edək ki, tura mayın 9-da keçiriləcək "Zirə" - "Qəbələ" və "Sabah" - "Qarabağ" matçları ilə yekun vurulacaq.
