2021/2022 mövsümündə "Barselona"nın hansısa futbolçusu 10 nömrəli formada meydana çıxmayacaq.
Sportnet.az "Diario Sport"a istinadən xəbər verir ki, Kataloniya təmsilçisi daha əvvəl Lionel Messiyə məxsus olan forma nömrəsini heç kimə vermək istəmir.
Lazım gələrsə, bu, akademiyanın hansısa gənc oyunçusuna təqdim olunacaq. Daha əvvəl Filippe Koutinyonun bu nömrə altında oynamaq istədiyi bildirilib.
Qeyd edək ki, avqustun 5-də "Barselona"dan ayrılan Lionel Messi Fransa PSJ-si ilə 2+1 illik müqavilə imzalayıb.
