Premyer Liqanın XXII turunda "Simurq"u qəbul edəcək "Qarabağ" matçın hazırlıqlarına başlayıb. Sportnet.az-ın məlumatına görə, oyunöncəsi məşqlərini öz bazasında keçirən Ağdam klubu günü bir məşqlə yekunlaşdırıb.
"Qarabağ"ın braziliyalı futbolçusu Çumbinyo vətənində olduğu üçün məşqə qatılmayıb.
Qeyd edək ki, "Qarabağ" - "Simurq" qarşılaşması fevralın 15-də Tofiq Bəhramov adına Respublika Stadionunda keçiriləcək. Matç saat 18:00-da başlayacaq.
