"Sürətli oyun oldu. Komandalar mübarizə apardılar". Sportnet.az-ın məlumatına görə, bunu "Simurq"un baş məşqçisi Georgi Çixradze deyib.
"Sumqayıt"la oyundan sonra gürcüstanlı mütəxəssis bunları bildirib: "Bizim problem o idi ki, şanslardan istifadə edə bilmədik. Düzdür, qol buraxdıqdan sonra hesabı bərabərləşdirə bildik. Sadəcə, bərabərlik qolundan sonra nə qədər çalışsaq da, qələbə qolunu vura bilmədik”.
Qeyd edək ki, "Simurq" - "Sumqayıt" qarşılaşması 1:1 hesab ilə başa çatıb.
