UEFA Konfrans Liqasının qrup mərhələsində V tura yekun vurulub.
Sportnet.az-ın məlumatına görə, bununla da 1/8 finala vəsiqə qazanan daha 2 komandanın adına aydınlıq gəlib.
A qrupunda İsraildə Təl-Əviv "Makkabi"sinə qalib gələn Avstriyanın LASK klubu və D qrupunda Çexiyada "Yablonets"lə heç-heçə edən Niderlandın AZ kollektivi vaxtından əvvəl növbəti mərhələyə yüksəlib.
C qrupunda isə matçlarını qələbə ilə başa vuran İtaliyanın "Roma" və Norveçin "Budye Qlimt" komandaları ən azı pley-offa vəsiqəni təmin ediblər.
------------------------------------------------------
UEFA Konfrans Liqasının qrup mərhələsinin V turunda daha 8 oyun keçirilib.
Sportnet.az-ın məlumatına görə, Belçika "Gent"indən sonra 1/8 finala yüksələn daha 3 komanda müəyyənləşib.
F qrupunda Cəbəllütariqdə "Linkoln" klubunu darmadağın edən Danimarka "Kopenhagen"i, E qrupunda Çexiyada Praqa "Slaviya"sı ilə bərabərə qalan Niderland "Feyenoord"u və G qrupunda evdə Niderland "Vitess"i ilə sülhə razılaşan Fransa "Renn"i sona 1 tur qalmış qalmış növbəti mərhələyə vəsiqəni təmin edib.
-------------------------------------------------------
UEFA Konfrans Liqasının qrup mərhələsində V tura start verilib.
Sportnet.az-ın məlumatına görə, turun açılış oyunları B və H qruplarına təsadüf edib.
B qrupunda Serbiya "Partizan"ı Estoniyada "Flora"ya minimal hesabla uduzub. Yeganə qolu 44-cü dəqiqədə Martin Miller vurub. Meydan sahibləri bu qələbədən sonra pley-offa vəsiqə şanslarını son tura saxlayıblar. Əvəzində isə Belçika "Gent"inin 1/8 finala adlaması rəsmiləşib.
"Qarabağ"ın yer aldığı H qrupunda isə İsveçrə "Bazel"i Qazaxıstanda "Kayrat" üzərində əzmkar qələbə qazanıb. Qarşılaşmada hesabı 23-cü dəqiqədə Vaqner Lav açıb. Yeri gəlmişkən, bu, braziliyalı hücumçunun Almatı təmsilçisində sonuncu oyunu olub. Qonaqlar 45-ci dəqiqədə Artur Kabralın penaltidən vurduğu qolla tarazlığı bərpa ediblər. 56-cı dəqiqədə meydan sahibləri növbəti dəfə önə keçiblər. Lakin isveçrəlilər 69-cu dəqiqədə yenidən hesabı bərabərləşdiriblər. Bu dəfə Edon Jeqrova fərqlənib. Görüşdə son nöqtəni isə 73-cü dəqiqədə Paytim Kasami qoyub. Bu nəticədən sonra xallarını 11-ə çatdıran "Bazel" hələlik liderliyə yüksəlib. "Kayrat" isə 1 xalla sonuncudur.
Qeyd edək ki, H qrupunun digər oyununda "Qarabağ" Bakıda Kipr "Omoniya"sını qəbul edəcək. Bu gün Tofiq Bəhramov adına Respublika stadionunda oynanılacaq qarşılaşma saat 21:45-də başlayacaq. Bu matçın nəticəsindən asılı olmayaraq, qrup qalibi son turda müəyyənləşəcək.
----------------------------------------------
Bu gün UEFA Konfrans Liqasının qrup mərhələsində V turun oyunları keçiriləcək.
Sportnet.az-ın məlumatına görə, 8 qrupda oynanılacaq 16 qarşılaşmadan sonra 1/8 finalın bütün iştirakçıları müəyyənləşə bilər.
A qrupunda İsrailin "Makkabi" (Təl-Əviv) klubu Avstriyada LASK-ın qonağı olacaq. Bu matçın qalibi birbaşa 1/8 finala adlayacaq. Məğlub komanda isə mübarizəni pley-offda davam etdirəcək.
B qrupunda Belçika "Gent"i Kiprdə "Anortosis"lə qarşılaşacaq. Qonaqlar qələbə sayəsində 1/8 finala vəsiqə qazanacaqlar. Digər matçda Serbiya "Partizan"ı Estoniyada "Flora"nı sınağa çəkəcək. Belqrad təmsilçisi xal itirəcəyi təqdirdə, "Gent"i heç-heçə də qane edəcək. Serbiyalılar isə ən azı 2-ci pilləni təmin etmək üçün "Flora"ya qalib gəlməlidir.
C qrupunda Norveçin "Budyo Qlimt" komandası Bolqarıstanın "MOİK-Sofiya" klubunu qəbul edəcək. Qrupun digər oyununda "Roma" İtaliyada Ukraynanın "Zarya" (Luqansk) kollkeitivini sınağa çəkəcək. Meydan sahibləri qələbə qazanacaqları halda ilk 2 pillədən birini təmin edəcəklər. "Canavarlar"ın mümkün xal itkisi və "Budyo Qlimt"in qalibiyyəti ikinciləri 1/8 finala çıxaracaq.
D qrupunda Niderlandın AZ klubu doğma meydanda Çexiya "Yablonets"ini məğlub edə bilsə, digər matçın nəticəsindən asılı olmayaraq, 1/8 finala vəsiqəni rəsmiləşdirəcək. Eyni vəziyyət E qrupunda yer alan Niderlandın digər təmsilçisi "Feyenoord"a da aiddir. Sözügedən kollektiv Çexiyada Praqa "Slaviya"sına qalib gəlsə, 1/8 finala yüksələcək.
F qrupunda Danimarka "Kopenhagen"i Cəbəllütariqdə "Linkoln"la, Yunanıstan PAOK-u isə Slovakiyada Bratislava "Slovan"ı ilə üz-üzə gələcək. Skandinaviya təmsilçisi qələbə qazanaraq, birbaşa 1/8 finala vəsiqə əldə edə bilər. Bunun üçün digər matçda heç-heçə qeydə alınmalıdır. Yeri gəlmişkən, "Slovan" - PAOK oyunun qalibi qrupda ilk 2 yerdən birini təmin edəcək.
G qrupunda İngiltərə "Tottenhem"i Sloveniyada "Mura" ilə, Fransa "Renn"i isə evdə Niderland "Vitess"i ilə qarşılaşacaq. "Renn" qalib gəlsə, digər görüşdə isə ən azı heç-heçə qeydə alınsa və ya qonaqlar uduzsa, fransızlırın qrup qalibi olması dəqiqləşəcək. London klubu isə "Mura"nı məğlub etsə, ən azı ilk 2 pillədən birini rəsmiləşdirəcək.
Nəhayət, Azərbaycan təmsilçisi "Qarabağ"ın yer aldığı H qrupunda da bütün suallara aydınlıq gələ bilər. Bakıda Kipr "Omoniya"sını sınağa çəkəcək Ağdam klubu qalib gələcəyi halda, 1/8 finala vəsiqəni təmin edə bilər. Bunun üçün İsveçrə "Bazel"i Qazaxıstanda "Kayrat"la oyunda xal itirməlidir. Əks-halda birinci yerin taleyi son tura qalacaq.
UEFA Konfrans Liqası, qrup mərhələsi
V tur
A qrupu
21:45. HİK (Finlandiya) - "Alaşkert" (Ermənistan) - 1:0
00:00. "Makkabi" (Təl-Əviv, İsrail) - LASK (Avstriya) - 0:1
Xal durumu: LASK - 13, "Makkabi" - 10, HİK - 6, "Alaşkert" - 0.
B qrupu
19:30. "Flora" (Estoniya) - "Partizan" (Serbiya) - 1:0
Qol: Martin Miller, 44
00:00. "Anortosis" (Kipr) - "Gent" (Belçika) - 1:0
Xal durumu: "Gent" - 10, "Partizan" - 7, "Flora" - 5, "Anortosis" - 5.
C qrupu
00:00. "Roma" (İtaliya) - "Zarya" (Luqansk, Ukrayna) - 4:0
00:00. "Budyo Qlimt" (Norveç) - "MOİK-Sofiya" (Bolqarıstan) - 2:0
Xal durumu: "Budyo Qlimt" - 11, "Roma" - 10, "Zarya" - 6, "MOİK-Sofiya" - 1.
D qrupu
00:00. "Randers" (Danimarka) - ÇFR (Kluj, Rumıniya) - 2:1
00:00. "Yablonets" (Çexiya) - AZ (Niderland) - 1:1
Xal durumu: AZ - 11, "Randers" - 7, "Yablonets" - 6, ÇFR - 1.
E qrupu
21:45. "Slaviya" (Praqa, Çexiya) - "Feyenoord" (Niderland) - 2:2
21:45. "Makkabi" (Hayfa, İsrail) - "Union Berlin" (Almaniya) - 0:1
Xal durumu: "Feyenoord" - 11, "Slaviya" - 7, "Union Berlin" - 6, "Makkabi" - 4.
F qrupu
21:45. "Linkoln" (Cəbəllütariq) - "Kopenhagen" (Danimarka) - 0:4
21:45. "Slovan" (Bratislava, Slovakiya) - PAOK (Yunanıstan) - 0:0
Xal durumu: "Kopenhagen" - 12, "Slovan" - 8, PAOK - 8, "Linkoln" - 0.
G qrupu
21:45. "Mura" (Sloveniya) - "Tottenhem" (İngiltərə) - 2:1
21:45. "Renn" (Fransa) - "Vitess" (Niderland) - 3:3
Xal durumu: "Renn" - 11, "Tottenhem" - 7, "Vitess" - 7, "Mura" - 3.
H qrupu
19:30. "Kayrat" (Qazaxıstan) - "Bazel" (İsveçrə) - 2:3
21:45. "Qarabağ" (AZƏRBAYCAN) - "Omoniya" (Kipr) - 2:2
Xal durumu: "Bazel" - 11, "Qarabağ" - 11, "Omoniya" - 3, "Kayrat" - 1.
