"AZAL rəhbərliyi ilə pul məsələsində anlaşa bilmədiyimə dair yayılan xəbərlər yanılışdır”. Bunu Sportnet.az-a açıqlamasında AZAL klubu qapıçısı Cahangir Həsənzadə deyib.
35 yaşlı qolkiperin sözlərinə görə, ona yeni müqavilə təklif olunarkən komandada 3-cü qapıçı olacağı diqqətinə çatdırılıb: "Bunun səbəbini soruşanda, mənə dedilər ki, əsas Moldova millisinin qapıçısı Stanislav Namaşko, 2-ci isə Ruslan Məcidov olacaq”.
Rəhbərliyin bu qərarını başa düşməyən Həsənzadənin sözlərinə görə, bu mədəni formada "get" mənasına gəlir.
Qeyd edək ki, Azərbaycan millisinin sabiq üzvü 2009-cu ildə digər Premyer Liqa təmsilçisi "Qəbələ”dən "təyyarəçilər”ə keçib.
