"Neftçi" "Qəbələ"yə qarşı keçirəcəyi Azərbaycan Premyer Liqasının XIV tur oyununa da ciddi itkilərlə çıxacaq.
Klubun mətbuat xidmətindən Sportnet.az-a verilən məlumata görə, zədəli qapıçı Aqil Məmmədov, müdafiəçi Mamadu Mboc, yarımmüdafiəçilər Sezar Meza Kolli ilə Xorxe Korrea matçı buraxacaq.
Flaqmanın "Sumqayıt"la qolsuz heç-heçə etdiyi XIII tur matçından əvvəl əzələsini dartan Yusuf Lavalın və temperaturu yüksək olan Romen Baskın durumu isə hələlik bəlli deyil.
Qeyd edək ki, "Qəbələ" - "Neftçi" matçı dekabrın 15-də keçiriləcək.
