"Bu oyunda üç xal qazanmaq çox vacib idi". Sportnet.az-ın məlumatına görə, bunu "İnter"in baş məşqçisi Kaxaber Tsxadadze "Simurq"u 2:1 hesabı ilə yendikləri Azərbaycan Premyer Liqasının XXIV tur matçından sonra deyib.
Gürcüstanlı mütəxəssis bildirib ki, Zaqatala komandasına qarşı oynamaq çox çətindir: "Rəqib qapanmağı bacaran komandadır. Buna baxmayaraq, qol vurmağı bacardıq və oyunun gedişini nəzarətdə saxlayırdıq. Son dəqiqələrdə konsentrasiyanı itirdik və heç nədən qol buraxdıq. Amma futbolçulardan məmnunam və onlara təşəkkür etmək istəyirəm".
Qarşıda "İnter"i çətin oyunların gözlədiyini vurğulayan Tsxadadze qısa müddətdə bərpa olunaraq, həm ölkə kuboku, həm çempionatda mübarizəni davam etdirməli olduqlarını əlavə edib.
