Gürcüstan millisinin qapıçısı Luka Quqeşaşvili "Qarabağ"a təklif olunub.
Bu barədə Sportnet.az-a Ağdam klubunun Mətbuat Xidmətinin rəhbəri Gündüz Abbaszadə məlumat verib.
Onun sözlərinə görə, 23 yaşlı qolkiper Ağdam təmsilçisinin maraq dairəsində olan oyunçulardan biridir: "Amma hər hansı razılıqdan söhbət gedə bilməz. Hələlik onunla yanaşı, daha bir neçə qapıçıya baxırıq".
Qeyd edək ki, son olaraq ölkəsinin "Dila" klubunda çıxış edən Luka Quqeşaşvili daha əvvəl Tbilisi "Dinamo"sunun da formasını geyinib. Bundan başqa, gənc qolkiper Polşada "Yagelloniya" və "Podlyasye"də, İspaniyada isə "Qranada"nın B komandasında oynayıb.
