Topaz Premyer Liqasının XXV turundan sonra bir günlük istirahətə buraxılan "Xəzər Lənkəran” dünən Lənkəranda toplanıb. Sportnet.az-ın məlumatına görə, cənublular saat 16:00 da Lənkərandakı bazanın ehtiyat meydançasında məşqə çıxaraq Azərbaycan kubokunun ¼ final mərhələsinin cavab oyununun hazırlığına start verib.
Antalya toplanışı çərçivəsində yoxlama oyununda ciddi zədə alan müdafiəçi Ruslan Cəfərov fərdi məşqlərə başlayıb.
Qeyd edək ki, martın 13-də Azərbaycan kuboku çərçivəsində "Xəzər Lənkəran” Bakının " İnter” klubunu qonaq edəcək. Qarşılaşma saat 17:00-da başlayacaq.
