İspaniyanın "Barselona" klubunun futbolçusu Jerar Pike və kolumbiyalı müğənni Şakira boşandıqlarını elan ediblər.
Sportnet.az-ın məlumatına görə, bu barədə sənətçinin özü açıqlama verib. O, özləri üçün əsas prioritet sayılan övladlarının rifahı naminə şəxsi həyatlarına hörmətlə yanaşılmasını xahiş edib.
Daha əvvəl boşanma səbəbi kimi futbolçunun xəyanəti göstərilib. Pike və Şakira 2011-ci ildən münasibətdə olsalar da, rəsmi nikaha girməmişdilər. Cütlüyün 9 yaşlı Milan və 6 yaşlı Saşa adlı iki övladı var.
Qeyd edək ki, Jerar Pike 2021/2022 mövsümündə "Barselona"da 39 oyuna 3 qol vurub. O, 2009 - 2018-ci illərdə İspaniya yığmasına çağırılıb və 103 matça çıxıb.
