Şüvəlanda keçirilən AZAL - "Qəbələ" matçı zamanı meydan sahiblərinin futbolçusu Rəşad Abdullayevlə polis əməkdaşları arasında mübahisə yaşanıb. Sportnet.az-ın məlumatına görə, oyunu VİP tribunadan izləmək istəyən Abdullayevə polis əməkdaşları mane olub.
Bundan sonra tərəflər arasında mübahisə baş verib və klub nümayəndələrinin müdaxiləsindən sonra ara sakitləşib. Oyundan sonra futbolçu baş verənləri Sportnet.az-a bu cür açıqlayıb: "Bəli, kiçik anlaşılmazlıq baş verdi. Mən oyunu VİP tribunadan izləmək istəyirdim. Ancaq polis əməkdaşları mənim komanda üzvü olduğumu bilməyib. Hər şey həll olundu və oyunu izlədim".
Qeyd edək ki, AZAL - "Qəbələ" oyunu 0:4 hesabı ilə başa çatıb.
