Yunanıstanın "Olimpiakos" komandasının yeni transferi Aleksandros Pasxalakis UEFA Avropa Liqasının qrup mərhələsinin III turunda "Qarabağ"a qarşı oynaya bilər.
Sportnet.az yerli mətbuata istinadən xəbər verir ki, Pirey təmsilçisi azad agent kimi heyətinə qatdığı 33 yaşlı qapıçının adını tezliklə iştirak ərizəsinə daxil edəcək.
Qaydalara görə, komandanın heyətində ikidən az qolkiper varsa, mövsüm ərzində yeni çərçivə qoruyucusu sifariş edilə bilər.
Qeyd edək ki, oktyabrın 6-da "Georgios Karaiskakis" stadionunda keçiriləcək "Olimpiakos" - "Qarabağ" görüşü Bakı vaxtı ilə saat 23:00-da başlayacaq.