AFFA-nın İntizam Komitəsi "Neftçi"nin futbolçusu Karlos Kardosonu 3 oyunluq cəzalandırıb. Sportnet.az-ın məlumatına görə, buna səbəb Zaqatalada "Simurq"la keçirilən qarşılaşma zamanı müdafiəçinin aqressiv hərəkət səbəbindən qırmızı vərəqə alaraq meydandan kənarlaşdırılmasıdır.
Klub isə müdafiəçinin hərəkətinə görə 2000 manat cərimə ödəməli olacaq. Qərara əsasən, futbolçuya verilmiş cəzanın iki oyunu şərti cəza kimi tətbiq olunacaq və ona 6 aylıq sınaq müddəti veriləcək.
Sınaq dövründə futbolçu yenidən cəzalanacağı təqdirdə sanksiyanın dayandırılmış hissəsi avtomatik olaraq bərpa olunacaq.
