Futbol üzrə Azərbaycan Premyer Liqasında bu gün XVI turun daha bir oyunu keçirilib.
Sportnet.az-ın məlumatına görə, günün ikinci matçında “Sabah” “Şamaxı”nı qəbul edib.
Görüşdə hesabı meydan sahibləri açıblar. Qarşılaşmanın 2-ci dəqiqəsində Kristian Sebalyos erkən qolla “Sabah”ı hesabda önə çıxarıb. Lakin ispaniyalı futbolçu 25-ci dəqiqədə rəqibi vurduğu üçün birbaşa qırmızı vərəqə alaraq meydandan qovulub.
İlk hissə bu hesabla yekunlaşıb.
Görüşün 75-ci dəqiqəsində meydandakı futbolçuların sayı bərabərləşib. Bu dəfə “Şamaxı”nın müdafiəçisi Elçin Mustafayev rəqibə qarşı kobud oynadığı üçün qırmızı vərəqə ilə cəzalandırılıb.
“Şamaxı” 88-ci dəqiqədə məğlubiyyətdən qurtula bilib. Fuad Bayramov bərabərlik qolunu vurub. Qarşılaşma 1:1 hesabı ilə başa çatıb.
Bu nəticə ilə xallarının sayını 39-a çatdıran “Sabah” lider “Qarabağ”dan 5 xal geri qalır. “Şamaxı” isə 12 xalla 7-cidir.
Qeyd edək ki, turun ilk iki oyununda dünən “Qarabağ” “Neftçi”ni 4:0, bu gün “Qəbələ” “Səbail”i 2:1 hesabı ilə məğlub edib.
Tura dekabrın 4-də “Kəpəz” – “Sumqayıt” və “Zirə” – “Turan Tovuz” matçları ilə yekun vurulacaq.
--------------------------------------
Misli Premyer Liqasında bu gün XVI turun daha bir oyunu keçirilib.
Sportnet.az-ın məlumatına görə, günün ilk matçında “Qəbələ” “Səbail”i qəbul edib.
Oyunda hesabı qonaqlar açıblar. Qarşılaşmanın 4-cü dəqiqəsində Luvaqa Kizito erkən qolla “Səbail”i hesabda önə çıxarıb.
“Qəbələ” 35-ci dəqiqədə status-kvonu bərpa edib. Fares Abu Akel dəqiq oynayıb.
İlk hissə bərabərliklə yekunlaşıb.
İkinci hissədə daha bir qol vuran meydan sahibləri matçı qalibiyyətlə başa vurublar. Ruan Renato 63-cü dəqiqədə komandasına qələbə qazandıran qola imza atıb.
Bu nəticə ilə xallarının sayını 24-ə yüksəldən “Qəbələ” turnir cədvəlinin 4-cü pilləsinə yüksəlib. “Səbail” isə 10 xalla 8-cidir.
Qeyd edək ki, turun açılış oyununda dünən “Qarabağ” “Neftçi”ni 4:0 hesabı ilə məğlub edib.
Bu gün isə saat 17:00-da başlayacaq görüşdə “Sabah” – “Şamaxı” ilə oynayacaq.
Tura dekabrın 4-də “Kəpəz” – “Sumqayıt” və “Zirə” – “Turan Tovuz” matçları ilə yekun vurulacaq.
---------------------------------------
Misli Premyer Liqasında bu gün XVI turun daha iki oyunu keçiriləcək.
Sportnet.az-ın məlumatına görə, günün ilk matçında “Qəbələ” “Səbail”i qəbul edəcək.
Meydan sahibləri 21 xalla beşinci, qonaqlar 10 xalla səkkizinci pillədə qərarlaşıblar. Komandalar indiyədək ölkə çempionatlarında 20 dəfə üz-üzə gəliblər. Bunların 10-da əyalət təmsilçisi, 5-də paytaxt klubu qələbə qazanıb. Topların nisbətində də “Qəbələ”nin üstünlüyü var - 35:20.
Günün ikinci görüşündə 38 xalla ikinci sırada olan “Sabah” 11 xalla yeddinci yerdə gedən “Şamaxı”nı sınağa çəkəcək. Tərəflər bu vaxtadək Premyer Liqada 15 dəfə görüşüblər. Hər iki komandanın aktivində 5 qələbə varsa, digər 5 qarşılaşmada heç-heçə qeydə alınıb. Topların nisbətində “Şamaxı” cüzi üstünlüyə malikdir - 16:15.
Misli Premyer Liqası, XVI tur
3 dekabr (şənbə)
14:30. “Qəbələ” – “Səbail” - 2:1
Qollar: Fares Abu Akal, 35. Ruan Renato, 63 - Luvaqa Kizito, 4
Hakimlər: Rəşad Əhmədov, Eyyub İbrahimov, Rahil Ramazanov, Səbuhi Bayramov
Hakim-inspektor: Asim Xudiyev
Qəbələ şəhər stadionu
17:00. “Sabah” – “Şamaxı” - 1:0
Qol: Kristian Sebalyos, 2
Qırmızı vərəqələr: Kristian Sebalyos, 25 ("Sabah"), Elçin Mustafayev, 75 ("Şamaxı")
Hakimlər: Rəvan Həmzəzadə, Akif Əmirəli, Cəmil Quliyev, Kamranbəy Rəhimov
Hakim-inspektor: Vüsal Əliyev
“Bank Respublika Arena”
Qeyd edək ki, turun ilk matçında “Qarabağ” “Neftçi”ni 4:0 hesabı ilə üstələyib. Tura dekabrın 4-də “Kəpəz” – “Sumqayıt” və “Zirə” – “Turan Tovuz” matçları ilə yekun vurulacaq.
