Ağdamın "Qarabağ" klubu dünən Qəbələyə yola düşüb. Sportnet.az-ın klubun rəsmi saytına istinadən məlumatına görə, Topaz Premyer Liqasının XXXII turunda "Qəbələ"nin qonağı olacaq komanda artıq oyunun keçiriləcəyi məkandadır.
Dünən bazadakı stadionda səhər məşqi ilə kifayətlənən Ağdam təmsilçisi bu günə bir məşq planlaşdırıb.
Bu mövsüm ərzində adıçəkilən komanda ilə üç dəfə qarşılaşan "Qarabağ" bir dəfə qələbə qazanıb, digər iki qarşılaşmada isə meydandan məyus ayrılıb.
Qeyd edək ki, "Qəbələ" - "Qarabağ" oyunu mayın 2-də saat 19:00-da Qəbələ şəhər stadionunda baş tutacaq.
