"İlk hissədə çox dinamik oyunun şahidi olduq. Hər iki komandanın qapısı qarşısında qol vəziyyətləri olurdu". Sportnet.az-ın məlumatına görə, bu sözləri "İnter"in baş məşqçisi Kaxaber Sxadadze Topaz Premyer Liqasının XXXII turunda "Simurq"la oyundan (3:2) sonra deyib.
Gürcü mütəxəssis komandasının oyunundan razı qalmadığını dilə gətirib: "Bəzi epizodlarda müdafiəçilər səhvlər etdilər. Amma Səlahət Ağayev əla oyun sərgilədi. Oyundan tam razı deyiləm. Amma 3 xal qazanıb ehtiyatımızı zənginləşdirdik. Son zamanlar hər iki komandada problem var. Bir müddətdir ki, maaş almayan oyunçuların sərgilədiyi futbol isə alqışalayiqdir. Ümid edirəm ki, vəziyyət düzələcək”.
